Віцебскія маці асуджаных па арт. 328 КК пабывалі на прыёме ў сэнатара Шэршня.

 Віцебская вясна 

 

Маці асуджаных пасьля прыёму ў сэнатара
Маці асуджаных пасьля прыёму ў сэнатара

Маці і сваякі асуджаных паводле артыкулу 328 КК (Незаконны абарот наркатычных рэчываў) сустрэліся зь сябрам Савету Рэспублікі Нацыянальнага Сходу і гендырэктарам прадпрыемства “Віцебскаблгаз” Пятром Шэршнем. Размова адбылася 4 красавіка ў межах асабістага прыёму грамадзян.

У сярэдзіне сакавіка ў Віцебску пачаўся збор подпісаў за рэфармаваньне судовай сыстэмы і, у прыватнасьці, за ўнясеньне зьменаў у крымінальны артыкул 328. Бацькі і блізкія асуджаных гавораць пра несувымерна вялікія тэрміны, якія атрымалі абвінавачаныя (у сярэднім – 8 гадоў), а таксама пра шматлікія парушэньні падчас сьледчых і судовых працэсаў. У межах кампаніі па зборы подпісаў маці асуджаных наведваюць дэпутатаў і прадстаўнікоў гарадзкіх уладаў, каб прасіць падтрымкі і давесьці, што зьмены насьпелі.

Пётар Шэршань: Закон мусіць быць жорсткім

У кабінэце сэнатара Пятра Шэршня адна з актывістак кампаніі Натальля Шарыпа патлумачыла, што пытаньне зьменаў у арт. 328 – гэта пытаньне нацыянальнай бясьпекі.

“На сёньня больш за 15 тысяч маладых людзей ад 14 да 30 гадоў адбываюць у калёніях вялізныя тэрміны па гэтым артыкуле. Гэта амаль 40% ад колькасьці ўсіх асуджаных у Беларусі. І гэта ненармальна, калі 14-гадоваму падлетку даюць 14 гадоў турмы. Якімі яны ўсе вернуцца ў грамадзтва?.. Вы сябра Пастаяннай камісіі па нацыянальнай бясьпецы. Таму мы і прыйшлі да вас…” – зьвярнулася да сэнатара Натальля Шарыпа.

Віцебскія маці асуджаных па арт. 328 КК пабывалі на прыёме ў сэнатара Шэршня.
Сэнатар Пётар Шэршань. Фота sb.by

“Я ў курсе. Наркотыкі – гэта страшна. Але закон мусіць быць жорсткім! Я разумею, што вы зь ліку тых, хто пацярпеў ад крымінальнага перасьледу. Але тое, што тычыцца ў цэлым наркаманіі, з гэтым трэба змагацца, і вельмі жорстка змагацца. Калі гэта людзі, якія зьяўляюцца кур’ерамі і разносяць гэтую заразу, іх трэба саджаць у турму”, – адказаў Пётар Шэршань.

Натальля Шарыпа: Гэта спэкуляцыя – гаварыць пра сьмерці…

Маці спрабавалі давесьці сэнатару, што іх дзеці пацярпелі не праз “кур’ерства” і што для беларускіх сьледчых простая перадача прыпаленай цыгарэты з рук у рукі ўжо зьяўляецца распаўсюдам. Прысуды за такія дзеяньні – неадэкватна жорсткія.

“Тады ўзьнікае іншае пытаньне. Бо з аднаго боку знаходзяцца бацькі тых, каго пасадзілі за наркотыкі, а з другога боку барыкад – тыя, чые дзеці памерлі праз ужываньне наркотыкаў”, – зазначыў Шэршань.

“А вось гэтым спэкуляваць нельга! – адрэагавала Натальля Шарыпа. – Бо, паводле статыстыкі, у стане алькагольнага ап’яненьня было зьдзейсьнена летась 16 тыс. злачынстваў – у 13 разоў больш, чым у стане наркатычнага ап’яненьня. І палова зь іх – са сьмяротным канцом. Так што калі будзем казаць пра колькасьць памерлых, то давайце і пра алькаголь гаварыць, і пра сьмерці ў ДТП. Гэта спэкуляцыя…”

“Не магу падтрымаць Канапацкую”

Калі сэнатар узгадаў, што “цяпер у нашай дзяржаве ёсьць магчымасьць абскарджваць прысуды” і што ў некаторых жыцьцёвых сытуацыях трэба проста зьвяртацца да адвакатаў, маці расьсьмяяліся.

Ужо напрыканцы прыёму Пётар Шэршань згадзіўся, што саджаць 14-гадовых дзяцей у турму на вялікія тэрміны – “гэта нешта ня тое”. “Тут ёсьць пытаньні. Трэба глядзець у заканадаўстве, каб вызначалася мера адказнасьці ў залежнасьці ад цяжкасьці злачынства”, – дадаў.

Паабяцаў таксама ўважліва азнаёміцца з праектам зьменаў, які перадалі яму падчас сустрэчы маці асуджаных. Але прызнаўся, што ня мае магчымасьці падтрымаць дэпутатку Ганну Канапацкую, якая абяцала ўнесьці праект прапановаў у парлямэнт ужо падчас вясновай сэсіі. “Я не магу яе падтрымаць, таму што мы ў розных Палатах. Да нас прыходзяць ужо ўхваленыя законы”, – сказаў Пётар Шэршань.

Сэнатар: У мяне ў сям’і тры пракуроры

Прызнаўся, што вельмі пільна адсочвае тое, што адбываецца ў крымінальнай сфэры.

“У мяне ў сям’і чатыры юрысты, каб вы ведалі. І тры чалавекі працуюць у пракуратуры, і ў раённай, і ў абласной. Таму я трохі ў трэндзе. І калі гаворка пра тое, каб зрабіць законы больш жорсткімі, то я – за. Але разглядаць трэба паводле меры таго, што чалавек зьдзейсьніў, тут я з вамі згодны”, – падсумаваў сэнатар.

Пасьля сустрэчы адна з маці прызналася “Віцебскай вясьне”, што не задаволеная размовай: “Мне падалося, што сэнатар нас ня чуў. Што ён не пачуў пра тыя грамы, за якія людзі атрымліваюць па 8-10 гадоў і больш. Увесь час казаў пра нейкія кіляграмы і тоны. У мяне ў сына знайшлі 0,7 грама, і за гэта яму далі 10,5 гадоў. Хіба гэта нармальна?..”

Мяркуюць зладзіць круглы стол і пікет у Віцебску

Каардынатарка кампаніі па зборы подпісаў у Віцебску за рэфармаваньне судовай сыстэмы Натальля Шарыпа расказала, што раней маці асуджаных пабывалі на прыёме ў яшчэ аднаго сэнатара – Анатоля Шчаснага (рэктар мэдунівэрсытэту). У красавіку запісаліся на прыём да дэпутатаў Палаты прадстаўнікоў Тацяны Старынскай і Сяргея Занько.

На пачатку траўня актывісткі кампаніі мяркуюць зладзіць у Віцебску круглы стол з удзелам дэпутаткі Ганна Канапацкай, прадстаўнікоў улады і сілавых ведамстваў (УУС, СК, пракуратура, дэпартамэнт выкананьня пакараньняў). Папярэдняя згода на ўдзел ужо атрыманая ад намесьніка старшыні Віцебскага гарвыканкаму Пятра Падгурскага.

Натальля Шарыпа паведаміла таксама, што падала ў адміністрацыю Кастрычніцкага раёну Віцебску заяўку на правядзеньне пікету з мэтай збору подпісаў за рэформу судовай сыстэмы.

Плянуе зладзіць пікет на пляцоўцы каля піраміды ў цэнтры Віцебску. Але дазвол на правядзеньне масавага мерапрыемства пакуль не атрымала.

Збор подпісаў працягваецца.

Зьміцер Міраш, фота аўтара

Рекомендуем прочитать

4
Отправить ответ

avatar
7777
3 Цепочек
1 Ответов в цепочках
0 Подписчиков
 
Самый обсуждаемый комментарий
Горячая тема обсуждения
4 Комментаторов
ЯнMariaСветланаСветлана Последние прокомментировавшие
  Подписаться  
новые сверху старые сверху популярные
Уведомить
Светлана
Гость
Светлана

Матули – Вы умницы!

А то что у этого Шэршня 3 прокурора в семье, так видимо они такую должность поучили не за красивые глаза! Коррупция верхов процветает.

Сам про алкоголь не слова не сказал который наносит куда больший ущерб

Светлана
Гость
Светлана

Кто его выбрал в депутаты??? И выбираем ли мы их? Такие “жирные коты” гнездо себе шикарное сплели и средства в закрома закладывают по-крупному и плевать они хотели на народ. Вон какая улыбка, довольная!!! “Напрягается бедняга, днем и ночью думает: как же улучшить жизнь бедному народу!!!”. Что же с такими депутатами можно изменить???
Они Вас и не услышат никогда, дали бы им возможность они бы наших детей расстреляли, чтобы не мешали наслаждаться шикарной жизнью.
У него три прокурора!!! Даже если он будет воровать и взятки брать, его никто не посадит, поэтому ему глубоко начхать на Вас и Ваши проблемы!!! И решать он ничего не будет, зачем ради кого-то напрягаться.
У него жэстачайшая борьба с наркотой и коррупцией, а средства от борьбы к себе, своим прокурорам и адвокатам по-больше и поглубже!!

Maria
Гость
Maria

Разумеется, он не слышит нас, да и зачем ему опускаться до уровня народа. Пока такие, как он, будут у власти, у нас будет несправедливость в суде. Они же небожители. У таких как он не может быть проблем с наркотиками, потому что такие как он эти проблемы создают.

Ян
Гость
Ян

Мы этих «Местячковых царьков» сами расплодили, и сами позволяем им творить, что угодно. У них везде семейный подряд и в облгазе и в прокуратуре. У него в подчинении около 30 коллективов творческих, которые дедушку ублажаются. На работу принимает по принципу: поешь, танцуешь и т.д. Девчонки молодые чуть ли не стриптиз танцуют на концертах. Концерты проходят по любому поводу, множество раз в году. Катается на служебной Ауди А8. В распоряжении целый санаторий с лечебницей, спа-процедурами, баней… О каких вы детях 328 говорите? Кому вы нужны со своими детьми? Они живут как в раю у нас на шее. Для них мы чернь, челядь.