Маці асуджаных за распаўсюд наркотыкаў абвясьцілі пра намер пачаць бестэрміновую галадоўку

 Радыё Свабода 

 

Маці асуджаных па артыкуле 328 Крымінальнага кодэксу Беларусі (распаўсюд наркотыкаў) абвясьцілі аб намеры пачаць бестэрміновую галадоўку з мэтай зьмяненьня заканадаўства па дадзеным крымінальным артыкуле.

Пра гэта актывісты руху «Матчын рух 328» 22 красавіка заявілі на прэс-канфэрэнцыі ў Жлобіне. У прэсе-канфэрэнцыі прынялі ўдзел жанчыны з Бабруйску, Гомля, Горак, Жлобіна, Мар’інай Горкі і Менску, паведамляе БелаПАН.

У галадоўцы будуць прымаць удзел 20 чалавек

У галадоўцы, якая пачнецца 27 красавіка, будуць прымаць удзел 20 чалавек. Пра месца яе правядзеньня ўдзельнікі паведамяць дадаткова.

Удзельнікі прэс-канфэрэнцыі зьвярнулі ўвагу на несправядлівыя на іх думку, прысуды, неадпаведныя зьдзейсьненаму тэрміны пакараньня, незаконныя мэтады сьледзтва, правакацыі з боку міліцыі.

Яны таксама заявілі аб недасканаласьці беларускага заканадаўства, калі непаўналетнія асуджаюцца па наркатычных артыкулах на працяглыя тэрміны гэтак жа, як і дарослыя.

«Людзі, ўдумайцеся, хіба можа 14 гадовы арганізаваць і паставіць на паток наркабізнэс? Ён ахвяра. Падумайце аб тым, што чужых дзяцей не бывае», — заявіла на прэс-канфэрэнцыі актывістка руху Тацяна Канеўская.

Яна дадала, што цяпер у месцах пазбаўленьня волі па наркатычных артыкулах адбываюць працяглыя тэрміны зьняволеньня 16 тысяч чалавек.

Галадоўнікі патрабуюць асабістай сустрэчы з Аляксандрам Лукашэнкам

Як заявіла на прэс-канфэрэнцыі Тацяна Канеўская, патрабаваньні сваякоў — асабістая сустрэча Аляксандрам Лукашэнкам, стварэньне камісіі па пераглядзе спраў па артыкуле 328, пачынаючы з 2013 году, а таксама дыфэрэнцыяцыя адказнасьці за нарказлачынствы.

«Мы не належым ні да якіх палітычных партыяў. Заклікаем улады не рабіць уціску на галадоўнікаў і іх сем’і», — заявіла Канеўская.

Таксама яна зьвярнулася да кіраўніка дзяржавы са словамі:

«Мы ня верым ніводнаму вашаму чыноўніку. Як сьведчаньне гэтаму — кіляграмы адпісак, якія мы атрымліваем з розных органаў улады на свае звароты. Спыніць гэта вар’яцтва можаце толькі вы…»

Актывістку руху звольнілі з працы пасьля таго, як даведаліся пра будучую галадоўку

Канеўская дадала, што папярэджвала чыноўнікаў Гомельскага гарвыканкаму, пра тое, што плянуецца галадоўка і ўжо адчула на сабе наступствы такога кроку.

«Мяне звальняюць з працы, таму што ў гарвыканкаме заявілі, што „дадзенае мерапрыемства“ (яны нават баяцца слова „галадоўка“) не адпавядае вашай працы» — распавяла актывістка, якая афіцыйна даглядае за інвалідам 1-ай групы.

Рух «Матчын рух 328» аб’ядноўвае сваякоў грамадзян, асуджаных за распаўсюд наркотыкаў. Мэтай ініцыятывы зьяўляецца аказаньне матэрыяльнай і псыхалягічнай дапамогі асуджаным і іх сем’ям, а таксама іх інфармацыйная і юрыдычная падтрымка. Паводле дадзеных актывістаў, у Беларусі ў рух уваходзяць 651 чалавек.

 

Рекомендуем прочитать

1
Отправить ответ

avatar
7777
1 Цепочек
0 Ответов в цепочках
0 Подписчиков
 
Самый обсуждаемый комментарий
Горячая тема обсуждения
1 Комментаторов
Ольга Последние прокомментировавшие
  Подписаться  
новые сверху старые сверху популярные
Уведомить
Ольга
Гость
Ольга

Дано указание следователям около месяца назад всех тех у кого была 3часть переквалифицировать в 4 часть. Сегодня моему 17-летниму сыну окончили следствие. Дело в суд будет передано по 4 части. И в Сизо не один он такой.На данный момент многих ребят подводят к более тяжким частям этой статьи. Все говорят о смягчения, а его не будет, ведь тогда получается, что власть совершила ошибку, кто её признает? Шуневич уйдёт со своей должности и только тогда можно его судить за геноцид, за целеноправленое уничтожение своего народа, но легче от этого не становится, тысячи жизней уже под откос.